Juventus á Ítalíu hefur fest kaup á leikmanni að nafni Han Kwang-song frá Cagliari.
Um er að ræða undrabarn frá Norður-Kóreu en Kwang-song kostar Ítalíumeistarana 3,5 milljónir punda.
Sóknarmaðurinn þykir vera mjög efnilegur en hann er 21 árs gamall og mun leika með U23 liði Juve á leiktíðinni.
Kwang-song á að baki 12 leiki fyrir Cagliari í efstu deild og var einnig lánaður til Perugia í næst efstu deild þar sem hann spilaði mikið.
Leikmaðurinn kom fyrst til Ítalíu árið 2015 en hann á að baki fimm landsleiki fryir Norður-Kóreu.