Lið IK Junkeren í þriðju efstu deild Noregs hefur fest kaup á Norðmanninum Lionel Messi.
Þetta var staðfest í dag en um er ræða 16 ára gamlan leikmann sem breytti nafninu sínu fyrr á árinu.
Strákurinn hét áður Daniel Are Knutsen en vildi heita það sama og fyrirmynd sín, Lionel Messi hjá Barcelona.
Þessi nafnabreyting var ekki lengi að vera samþykkt en eldri Messi ættu allir að kannast við.
,,Ég var með plan um að breyta nafninu í dágóðan tíma og Lionel Messi er mín stærsta fyrirmynd,“ sagði Messi.
,,Ég reyni mitt besta að spila eins og hann. Það er mögulegt að það sé eitthvað svipað með okkur en hæfileikarnir ekki þeir sömu. Ég er svipaður á boltanum og er með hraða.“
,,Þeir sem hafa þekkt mig lengi kalla mig gamla nafninu en þeir nýju gætu kallað mig Leo eða Lionel.“
