Henrik Larsson hefur ákveðið að segja af sér sem knattspyrnustjóri Helsingborg í Svíþjóð.
Þetta var staðfest í dag en Larsson ákvað að hætta eftir áreiti frá stuðningsmönnum félagsins.
Gengi Helsingborgh hefur verið erfitt en liðið er í 12. sæti úrvalsdeildarinnar eftir 20 leiki.
Eftir óvænt tap gegn Oskarshamns þá fékk Larsson að heyra það frá stuðningsmönnum liðsins.
Hann ákvað í kjölfarið að segja af sér en það kom fram í tilkynningu félagsins eftir tapið.
Larsson þjálfaði liðið frá 2015 til 2016 og tók svo aftur við keflinu fyrr á þessu ári.