Pep Guardiola, stjóri Manchester City, viðurkennir það að hann hafi efast um miðjumanninn David Silva á sínum tíma.
Guardiola ræðir þegar Silva ákvað að taka skrefið til Manchester en hann yfirgaf þá lið Valencia og fór til Englands.
,,Ég var á meðal þeirra sem héldu að Silva yrði í vandræðum. Ég held að þetta hafi verið hans karakter, ekki bara gæðin á litlum svæðum. Hann er mikill keppnismaður,“ sagði Guardiola.
,,Á æfingum, í leikjum og þegar illa gengur – hvernig hann bregst við. Hann er með keppnisskap.“
,,Vegna hvernig ég sá enska boltann utan frá þá hélt ég kannski að hann myndi lenda í vandræðum en ég er ánægður með að hafa rangt fyrir mér.“