Ole Gunnar Solskjær, stjóri Manchester United, er búinn að ákveða hver mun taka vítaspyrnur liðsins á tímabilinu.
Þetta kemur fram í enskum götublöðum í dag en leikmenn United hafa til þessa fengið að ráða sjálfir hverjir taka spyrnurnar.
Paul Pogba tók síðustu spyrnu United í 1-1 jafntefli til Wolves en Rui Patricio varði spyrnu hans.
Í umferðinni áður þá steig Marcus Rashford á punktinn gegn Chelsea og skoraði örugglega.
Samkvæmt nýjustu fregnum þá hefur Solskjær nú tjáð leikmönnum það að Rashford verði sá maður sem tekur spyrnurnar á þessu tímabili.