Jurgen Klopp, stjóri Liverpool, íhugar þessa stundina að fá annan markvörð til félagsins.
Alisson Becker er aðalmarkvörður Liverpool en hann verður frá næstu vikurnar vegna meiðsla.
Adrian hefur varið mark Liverpool í síðustu tveimur leikjum en hann gerði slæm mistök í 2-1 sigri á Southampton um helgina.
Samkvæmt enskum miðlum þá íhugar Klopp að semja við Michel Vorm, fyrrum markvörð Tottenham.
Vorm var öflugur markvörður fyrir Swansea á sínum tíma en hann varð samningslaus í sumar.
Eftir mistök Adrian þá er Klopp að skoða það að fá Vorm sem gæti reynst betri kostur.