Paul Pogba er ekki á förum frá Manchester United segir stjóri félagsins, Ole Gunnar Solskjær.

Pogba hefur verið orðaður við brottför í allt sumar en það mun ekki gerast að mati Norðmannsins.

,,Þið fjölmiðlarnir eruð alltaf að setja spurningamerki í kringum Paul,“ sagði Solskjær.

,,Það er ekki óvenjulegt að segja honum að njóta þess að spila, njóta þess að vera með liðsfélögunum og njóta leiksins.“

,,Það hefur ekki komið einn blaðamannafundur þar sem ég svara ekki spurningum um Paul Pogba – 80 prósent af því sem hann hefur sagt er að hann sé að njóta sín hér.“

,,Ég hef engar áhyggjur af Pogba. Ef þú spyrð mig þá verður hann hér áfram.“