Roberto Mancini, landsliðsþjálfari Ítalíu, segir að hann geti ekkert gert fyrir framherjann Mario Balotelli.

Mancini og Balotelli eru góðir vinir en sá síðarnefndi var lengi án félags í sumar.

Balotelli er nú búinn að finna sér félag en hann gerði samning við Brescia í gær.

,,Hann er 29 ára gamall og annað árið í röð þá er hann ekki viss með félag áður en deildin hefst,“ sagði Mancini.

,,Hann var ekki búinn að undirbúa sig og æfði ekki reglulega. Hann þarf að horfa á sjálfan sig, þetta er ekki eðlilegt.“

,,Kannski líður honum betur með því að spila í heimalandinu en það er ekki víst að það sé nóg.“

,,Ég elska hann en það er ekkert sem ég get gert fyrir hann lengur. Hann verður að hugsa að hann sé á miðjum ferlinum og að hann hafi enn mikið að gefa.“