Pep Guardiola, stjóri Manchester City, hefur útskýrt hvað átti sér stað á milli hans og Sergio Aguero í gær.
Aguero var tekinn af velli í leik gegn Tottenham í úrvalsdeildinni en leiknum lauk með 2-2 jafntefli.
Guardiola ræddi við Aguero eftir skiptinguna og svaraði Argentínumaðurinn fyrir sig og fór smá rifrildi af stað.
Guardiola segir að um misskilning hafi verið að ræða og er allt í góðu þessa stundina.
,,Þetta var misskilningur. Sergio hélt að ég væri að kenna honum um seinna jöfnunarmarkið. Tilfinningarnar voru í hámarki þarna,“ sagði Guardiola.
Tottenham jafnaði leikinn stuttu fyrir skiptingu Aguero en Lucas skoraði þá skallamark eftir hornspyrnu, 14 sekúndum eftir að hafa komið inná.