ÍBV 1-1 KA
0-1 Elfar Árni Aðalsteinsson(18′)
1-1 Gary Martin(víti, 48′)
Fyrsta leik dagsins í Pepsi Max-deild karla er nú lokið en ÍBV og KA áttust þá við í Vestmannaeyjum.
ÍBV fékk sjaldgæft stig í efstu deild en Gary Martin sá um að tryggja það á Hásteinsvelli.
Elfar Árni Aðalsteinsson kom KA yfir í fyrri hálfleik en Gary jafnaði metin úr vítaspyrnu í þeim síðari.
Hallgrímur Mar Steingrímsson gat tryggt KA stigin þrjú á 93. mínútu en hann klikkaði þá á vítaspyrnu og lokastaðan, 1-1.
Það er ljóst að ÍBV er á leið í Inkasso-deildina en liðið er 13 stigum frá öruggu sæti og getur alls fengið 15 stig úr síðustu fimm leikjunum.
