Cristiano Ronaldo hefur útskýrt hver munurinn á honum og Lionel Messi er.
Ronaldo og Messi hafa lengi verið taldir tveir bestu leikmenn heims og mættust reglulega á Spáni.
Ronaldo hefur þó yfirgefið lið Real Madrid og spilar fyrir Juventus í dag.
,,Messi er magnaður leikmaður. Ekki bara vegna verðlaunanna heldur hann er leikmaður sem hefur verið á toppnum ár eftir ár – eins og ég,“ sagði Ronaldo.
,,Munurinn á mér og honum er að ég hef spilað fyrir mismunandi lið og unnið Meistaradeildina með mismunandi liðum.“
,,Ég var líka markahæstur í Meistaradeildinni sex sinnum í röð.“