Umboðsmaður Wesley Sneijder er undrandi þessa stundina eftir viðtal leikmannsins við Utrecht TV.

Sneijder ræddi við stöðina og greindi þar frá því að hann væri hættur í knattspyrnu eftir dvöl í Katar.

Guido Albers er umboðsmaður Sneijder en hann er hissa á að þetta hafi komið svona út.

,,Það kom mér gríðarlega á óvart að hann hafi tilkynnt þetta svona,“ sagði Albers.

,,Ég ætlaði að funda með honum á fimmtudaginn til að ræða möguleikana í boði og svo ætluðum við að ræða hvernig við myndum tilkynna þetta.“

,,Næsta fimmtudag þá getum við ákveðið hvort að þetta sé endanleg ákvörðun.“