Rio Ferdinand er ánægður með það að Manchester United hafi ekki fengið Paulo Dybala til sín í sumar.
Dybala ákvað að hafna því að ganga í raðir United undir lok félagaskiptagluggans á Englandi.
Það er ákvörðun sem Ferdinand tekur vel í og segir að Argentínumaðurinn sé ekki með eistun í að spila á Old Trafford.
,,Það eru margir leikmenn sem hafa hafnað Manchester United síðustu ár. Þeir velja eitthvað annað,“ sagði Ferdinand.
,,Ég veit ekki hvernig Dybala dirfist að hafna Manchester United þegar hann er á bekknum hjá Juventus. Hann þarf að spila.“
,,Jæja, ég er þá ánægður með að hann hafi ekki komið. Hann er ekki með eistun til að spila fyrir Manchester United.“
