Kínverskir fjölmiðlar tala ekki vel um Englandsmeistara Manchester City en liðið er í Kína þessa stundina.
City tók þátt í móti þar á undirbúningstímabilinu og spilaði tvo leiki bæði í Nanjing og Shanghai.
Samkvæmt kínverskum miðlum sýndu leikmenn City stuðningsmönnum þar í landi enga virðingu og enga athygli.
Fjölmiðillinn Xinhua segir að leikmenn City hafi hundsað kínverska stuðningsmenn og sýnt þeim mikla óvirðingu fyrir leiki.
Xinhua ásakar City um að hafa farið í þessa ferð bara vegna peningana og að allt annað hafi skipt litlu máli.
City á stuðningsmenn um allan heim og voru ófáir sem létu sjá sig á leiki liðsins í þessum mánuði.