Zinedine Zidane, stjóri Real Madrid, gaf það út um helgina að Gareth Bale væri á förum frá félaginu.
Zidane staðfesti þetta eftir æfingaleik gegn Bayern Munchen en Bale tók engan þátt í 3-1 tapi Real.
Bale vill sjálfur ekki yfirgefa Real og er bálreiður eftir þessi ummæli Zidane og segir hann sýna sér óvirðingu.
Bale vill berjast fyrir sæti sínu á Santiago Bernabeu í vetur en Zidane vill losna við hann af launaskránni.
Bale er á risalaunum hjá spænska liðinu og eru ekki mörg félög sem geta boðið honum eins mikinn pening.
Vængmaðurinn er enginn aðdáandi Zidane sem bekkjaði hann í úrslitaleik Meistaradeildarinnar árið 2018.