Það eru vandræði í gangi hjá liði Newcastle þessa stundina en leikmenn liðsins eru staddir í Kína í æfingaferð.
The Daily Mail greinir nú frá því að tveir leikmenn liðsins hafi rifist og slegist fyrir utan pítsastað í Newcastle aðeins tíu klukkutímum áður en flogið var erlendis.
Leikmennirnir tveir eru þeir Karl Darlow og Jonjo Shelvey en þeir leika báðir með aðalliðinu.
Þeir rifust heiftarlega klukkan þrjú um nótt og eftir að hópur af mönnum gerði grín að Shelvey.
,,Sköllótta fífl,“ var öskrað í átt að Shelvey sem hló og sagði manninum að fara heim í skúrinn sinn.
Tvímenningarnir voru báðir undir áhrifum áfengis en Shelvey ætlaði að labba burt en Darlow var ekki á sama máli.
Darlow gekk að mönnunum og ætlaði að verja liðsfélaga sinn og hófust slagsmál í kjölfarið sem Shelvey tók þó ekki þátt í.
Markvörðurinn Darlow sem er 28 ára gamall er ásakaður um að hafa bæði reynt að kýla og sparka í einn af mönnunum.
Newcastle hefur ekki tjáð sig um málið að svo stöddu.