Philippe Coutinho, leikmaður Barcelona, er orðaður við sitt fyrrum félag Liverpool þessa stundina.
Coutinho er mögulega á förum frá Barcelona og þá sérstaklega eftir komu Antoine Griezmann frá Atletico Madrid.
Nú eru sögusagnirnar farnar á fullt eftir mynd af Coutinho sem birtist í gær.
Þar má sjá hann með vini sínum Roberto Firmino en þeir eru samherjar í brasilíska landsliðinu.
Stuðningsmenn Liverpool grátbiðja Firmino á Twitter um að sannfæra Coutinho um að snúa aftur.
Firmino fékk fjölmörg skilaboð við myndina en margir vilja sjá Coutinho snúa aftur á Anfield þar sem hann var frábær.
,,Umboðsmaðurinn Bobby er að vinna vinnuna sína í sumar,“ skrifar einn við myndina og annar bætir við: ,,Ég bið ekki um mikið en gerðu það Bobby, komdu þessu í gegn.“