Jurgen Klopp, stjóri Liverpool, hefur bara gert ein mistök á ferlinum að mati Wayne Rooney, fyrrum fyrirliða Manchester United.
Rooney er mikill aðdáandi Klopp en segir hann hafa gert mistök með því að þjálfa og ná árangri með Liverpool.
Rooney er enginn aðdáandi rauða liðsins í Liverpool-borg eftir að hafa spilað með United og Everton.
,,Það er auðvelt að sjá hversu gaman leikmönnunum finnst að vinna með honum. Ég hitti hann einu sinni og hann er magnaður náungi,“ sagði Rooney.
,,Hann hefur bara gert ein mistök og það var að vinna fyrir Liverpool og ná árangri þar.“
,,Ég virði Jurgen Klopp mikið og það sem hann hefur afrekað. Ekki bara hjá Liverpool heldur líka Dortmund.“