Zlatan Ibrahimovic, leikmaður LA Galaxy, er opinn fyrir því að snúa aftur til Hollands er ferlinum lýkur.
Zlatan verður 38 ára gamall í október en hann lék með Ajax frá 2001 til 2004 og skoraði 48 mörk í 110 leikjum.
Hann er opinn fyrir því að vinna hjá Ajax eftir ferilinn og er viss um að hann muni gera betur en þeir sem vinna hjá félaginu í dag.
,,Venjulega þá sný ég ekki aftur til þeirra félaga sem ég spilaði með en kannski get ég farið í stjórnina hjá Ajax,“ sagði Zlatan.
,,Ég myndi gera betur en hver sem sinnir því starfi núna. Ajax er enn mitt félag í Hollandi og ég er stoltur að hafa verið hluti af því.“