Fyrrum knattspyrnumaðurinn Marc Batchelor er látinn en þetta var staðfest í gær. Hann var skotinn til bana í heimalandi sínu, Suður-Afríku.
Batchelor var aðeins 49 ára gamall en hann gerði garðinn frægan sem leikmaður í Suður-Afríku og vann ófáa titla.
Batchelor lagði skóna á hilluna árið 2003 og tók í kjölfarið að sér starf í sjónvarpi sem knattspyrnusérfræðingur.
Hann var skotinn til bana á mánudagskvöld en tveir menn á mótorhjóli hleyptu af skotum er Batchelor sat í eigin bifreið.
Útlit er fyrir að morðið hafi verið planað en engu var stolið úr bíl Batchelor og yfirgáfu mennirnir vettvanginn um leið.
Hann var skotinn nokkrum sinnum í gegnum bílrúðu en eins og staðan er þá hefur enginn verið handtekinn.
Þessi morðtilraun heppnaðist í fyrstu tilraun en Batchelor sá mennina aldrei koma og átti ekki möguleika á að komast í skjól.