Gylfi Þór Sigurðsson, leikmaður Everton, er ánægður með komu miðjumannsins Andre Golmes til félagsins.
Gomes var í láni hjá Everton á síðustu leiktíð en gerði í sumar endanlegan samning við enska liðið.
Gylfi tekur vel í að fá Gomes aftur til félagsins en vonar þó að fleiri leikmenn verði keyptir áður en tímabilið byrjar.
,,Það er frábært að fá hann aftur. Félagið vill halda í þau gæði sem við vorum með á síðustu leiktíð,“ sagði Gylfi.
,,Við viljum einnig reyna að bæta okkur svo það var mikilvægt að halda honum. við munum einn styrkja liðið enn frekar.“
,,Það er það sem bæði leikmenn og starfsfólk vilja svo vonandi getum við fengið nokkra leikmenn í viðbót.“