Lucas Moura, leikmaður Tottenham, trúir því ekki sem er sagt um varnarmanninn Virgil van Dijk.
Van Dijk stóð sig frábærlega á síðustu leiktíð og er talað um að enginn leikmaður hafi komist framhjá honum á öllu tímabilinu.
Lucas telur að þessi tölfræði sé bara kjaftæði en hann ræddi við YouTube rásina Desimpedidos.
,,Gaur, þessi spurning þarna, ég er ekki viss um hvort þetta sé satt eða ekki,“ sagði Lucas.
,,Þeir segja að enginn hafi komist framhjá honum síðan… Ef leikmaðurinn er kominn framhjá honum þá ætti það að telja.“
,,Ég veit ekki alveg með þetta en það er einhver sem hefur komist framhjá honum. Ég veit að ég skoraði gegn Liverpool og þá var hann skilinn eftir.“