Jonathan Spector, fyrrum leikmaður Manchester United, vann með mörgum frábærum leikmönnum hjá félaginu.
Spector var ungur leikmaður undir stjórn Sir Alex Ferguson hjá United en hann var hjá félaginu frá 2003 til 2006.
Ferguson talinn vera einn allra besti stjóri sögunnar og voru vinnubrögð hans frábær á bakvið tjöldin.
Skotinn hikaði ekki við að öskra á sína leikmenn en lét það vera þegar það kom að Cristiano Ronaldo sem var undrabarn á Old Trafford á sínum tíma.
,,Sumir leikmenn þurftu á ást að halda og brugðust vel við því og sumir brugðust vel við þegar þú lést allt flakka. Hann kunni að ræða við leikmennina og var mjög klár á þann hátt,“ sagði Spector.
,,Ég sá hann hins vegar aldrei öskra á Ronaldo, hann vissi hvernig hann átti að ná því besta úr sínum leikmönnum.“
,,Hann var svo klár í því, hann vissi að þeir myndu ekki allir bregðast eins við gagnrýni.“