Hræðilegt slys átti sér stað þann 21. janúar síðastliðinn er framherjinn Emiliano Sala og flugmaðurinn David Ibbotson voru farþegar í flugvél sem hrapaði. Sala og Ibbotson voru á leið frá Nantes í Frakklandi til Cardiff í Wales þar sem Sala hafði skrifað undir.
Hann átti að verða dýrasti leikmaður í sögu Cardiff og kostaði félagið 15 milljónir punda. Flugvélin komst hins vegar aldrei á leiðarenda og fannst nokkrum vikum síðast á sjávarbotni.
Búið er að finna lík Sala sem lést í slysinu en ekki hefur lík Ibbotson fundist.
Það var Ibbotson sem sá um að fljúga vélinni til Cardiff í stað David Henderson sem var upphaflega fengið í verkið. Á síðustu stundu hætti Henderson hins vegar við og bað Ibbotson um að leysa sig af.
Henderson hefur nú verið handtekinn en hann bað Ibbotson um að fljúga vélinni. Sá síðarnefndi hafði hins vegar ekki réttindi til að fljúga vélinni að kvöldi til.
Henderson var handtekinn grunaður um manndráp af gáleysi og gæti verið á leið á bakvið lás og slá í langan tíma. Málið verður tekið fyrir á næstu vikum.