Það tók hinn efnilega Rodrygo Goes aðeins 20 mínútur að semja og skrifa undir hjá Real Madrid á Spáni.
Rodrygo greindi sjálfur frá þessu í gær en Real keypti leikmanninn á 45 milljónir evra frá Santos í sumar.
Real var alltaf það félag sem Rodrygo vildi spila fyrir en hann er aðeins 18 ára gamall og er einn efnilegasti leikmaður Brasilíu.
,,Real Madrid hefur alltaf verið númer eitt og þegar þeir sýndu mér áhuga þá spurði ég ekki spurninga. Þetta tók 20 mínútur,“ sagði Rodrygo.
,,Það voru engin vandamál og þetta gekk svo hratt fyrir sig. Ég held að allir sem þekki mig vita að ég hef alltaf verið aðdáandi Real Madrid.“
,,Ég sagði alltaf við pabba að einn daginn þá myndi ég spila fyrir Real. Þegar þeir komu til sögunnar þá var enginn vafi.“