Haris Belkebla, landsliðsmaður Alsír, hefur verið rekinn heim og tekur ekki þátt í verkefni liðsins í Afríkukeppninni.
Þetta staðfesti knattspyrnusamband Alsír í dag en Belkebla er miðjumaður og leikur með Brest í Frakklandi.
Belkebla ákvað að sýna á sér rassinn í beinni útsendingu á netinu þar sem liðsfélagi hans Alexandre Oukidja spilaði tölvuleikinn Fortnite.
Landsliðsþjálfari Alsír var ekki lengi að reka Belkebla heim fyrir þessa hegðun og mun Mohamed Benkhemassa taka hans pláss í hópnum.
Belkebla hefur sjálfur beðist afsökunar á þessari hegðun og segist ekki hafa vitað að hann hafi verið í beinni útsendingu.
Belkebla er 25 ára gamall en hann hefur enn ekki leikið landsleik fyrir Alsír.