Romelu Lukaku, leikmaður Manchester United, hefur gefið sterklega í skyn að hann sé á förum frá félaginu.
Lukaku hefur mikið verið orðaður við Inter Milan síðustu vikur en þar starfar Antonio Conte.
Conte er besti knattspyrnustjóri heims að mati Lukaku sem kom til United frá Everton árið 2017.
,,Conte er farinn til Inter og að mínu mati þá er hann besti knattspyrnustjóri heims,“ sagði Lukaku.
,,Ég er nú þegar búinn að taka ákvörðun um mína framtíð en ég get ekki opinberað hana ennþá.“
,,Ég er enn samningsbundinn Manchester United og þarf að virða það.“