Síðasta leik dagsins á HM kvenna var nú að ljúka en Frakkland og Noregur áttust við í annarri umferð riðlakeppninnar.
Það var boðið upp á hörkuleik í kvöld en það voru þær frönsku sem höfðu að lokum betur, 2-1.
Markavélin Eugenie Le Sommer tryggði Frökkum sigur með marki úr vítaspyrnu á 72. mínútu leiksins.
Fyrr í dag vann Þýskaland sterkan sigur á Spáni. Sara Dabritz gerði eina mark leiksins.
Nígería nældi þá einnig í sigur en liðið hafði betur gegn Suður-Kóreu með tveimur mörkum gegn engu.
Frakkland 2-1 Noregur
1-0 Valerie Gauvin
1-1 Wendie Renard(sjálfsmark)
2-1 Eugenie Le Sommer(víti)
Þýskaland 1-0 Spánn
1-0 Sara Dabritz
Nígería 2-0 Suður-Kórea
1-0 Kim Do-Yeon(sjálfsmark)
2-0 Asisat Lamina Oshoala