Lucas Torreira, leikmaður Arsenal, er ekki of ánægður hjá félaginu en hann kom til London í fyrra.
Torreira saknar Ítalíu en hann lék með Sampdoria áður en hann gerði samning við Arsenal síðasta sumar.
Úrúgvæinn viðurkennir það að hann njóti þess ekki að búa í London og gefur í skyn að hann gæti þurft að fara annað.
,,Ég veit ekki hvort það séu margir hlutir sem ég er hrifinn af því ég naut þess meira að búa á Ítalíu,“ sagði Torreira.
,,London er allt öðruvísi heimur. England er mjög stórt land. Ég var í vandræðum með tungumálið og það var erfitt að eiga samskipti við liðsfélaga mína.“
,,Veðrið er líka erfitt. Þú ferð út á morgnana og það er skýjað, svo kemurðu heim og það er enn skýjað.“
,,Ég sakna sólarinnar. Fyrir fólkið í Suður-Ameríku, við erum vön sól. Ég gæti þó vanist því með árunum.“