Hjörtur Hermannsson átti flottan leik í bakverði í kvöld er Ísland lék við Tyrkland í undankeppni EM. Ísland hafði betur, 2-1.
Hjörtur hefur leyst sitt verkefni með prýði síðan hann byrjaði að spila í hægri bakverðinum fyrir landsliðið.
,,Stemningin var geggjuð eftir leik. Við ætluðum okkur að ná í sex stig og það var djöfulli sætt að ná í sex stig á heimavelli, það er mjög mikilvægt upp á framhaldið,“ sagði Hjörtur.
,,Það var mikil umræða um hvernig þessi hópur væri búinn á því en við svörum því á vellinum.“
,,Það er hrikalega sætt að koma inn í þetta lið, alveg sama hvað. Að klára það með tveimur sigrum hér heima er geggjað. Maður getur ekki beðið um neitt meira.“