,,Valsmenn eru búnir að væla sig inn í vandræði, eru núna í neðsti sæti Pepsi Max-deildarinnar,“ sagði Hjörvar Hafliðason, Dr Football, í hlaðvarpsþætti sínum í dag.
Valur er í neðsta sæti Pepsi Max-deildarinnar hjá körlunum, mikið hefur verið ritað og rætt um félagið. Það fer ekki vel í alla, hins vegar bjuggust allir við að Valur yrði í toppbaráttu. Liðið hefur unnið deildina tvö ár í röð, og voru allir að spá því að liðið myndi taka þann þriðja.
,,Þeir eru búnir að væla svo mikið að það er með ólíkindum. Þorgrímur Þráinsson, skrifaði pistil í vikunni,“ sagði Hjörvar en Þorgrímur er formaður félagsins, Hjörvar last línu úr pistli hans.
Úr pistli Þorgríms sem Hjörvar las upp
Um þessar mundir hlakkar í andstæðingum Vals, fjölmargir spekingar keppast við að gera grín að félaginu, leikmönnum meistaraflokks í fótbolta og þjálfurum. Líklega vegna að þeir hafa aldrei gert mistök sjálfir, líf sumra er greinilega alltaf dans á rósum. Öfundsvert eða hvað?
Hjörvar hélt svo áfram að tala. ,,Mér líður eins og ég sé búinn að taka ´Crazy pills´hérna. Það er ekki neinn að gera lítið úr Val, þið eruð að því sjálfir. Þið eruð í neðsta sæti, þið eruð með mesta fjármagnið, þið eruð Íslandsmeistarar og eruð í neðsta sæti þegar 1/3 af mótinu er búið.,“ sagði Hjörvar sem var svekktur með Þorgrím.
,,Toggi, eðlilega væri ég að gefa þér gula spjaldið núna, en ég gef þér aðvörun. Þetta sæmir ekki manni sem er búinn að spila fótbolta, þekkir leikinn inn og út. Auðvitað er talað um liðið sem varð Íslandsmeistari í fyrra og var spáð Íslandsmeistaratitlinum, er með stærsta fjármagnið. Er í neðsta sæti þegar þriðjungur er búinn, ég verð að kalla eftir standard.“
Þátt dagsins má heyra hér að neðan.