Petr Cech, markvörður Arsenal, mun leggja skóna á hilluna í sumar eftir gríðarlega farsælan feril.
Cech hefur undanfarin fjögur ár spilað með Arsenal og var um tíma aðalmarkvörður liðsins.
Tékkinn er 37 ára gamall í dag og var varamarkvörður fyrir Bernd Leno á þessari leiktíð.
Sky Sports fullyrðir það í kvöld að Cech muni snúa aftur til Chelsea í sumar og starfa sem yfirmaður knattspyrnumála.
Cech er þekktastur fyrir tíma sinn hjá Chelsea en hann lék með liðinu frá 2004 til 2015.
Cech á eftir að spila einn leik fyrir Arsenal sem verður í úrslitum Evrópudeildarinnar gegn Chelsea.