Javier Tebas, forseti úrvalsdeildarinnar á Spáni segir að Manchester City og PSG, séu að skemma fótboltanum með öllu því fjármagni sem félögin eiga. Bæði félög eru í eigu manna frá Mið-Austurlöndum, þeir hafa dælt fjármagni inn í félögin.
UEFA rannsakar nú City og hvort félagið hafi brotið reglur er varðar fjármál knattspyrnufélaga.
,,Ef við leyfum fjármuni sem koma ekki úr þessum bransa að koma inn, þá er þetta ekki lengur íþrótt,“ sagði Tebas, eigendur City og PSG eru sakaðir um að koma fjármagni inn í félög sín, á ólöglegan hátt.
Þannig eru félögin sökuð um auglýsingasamninga við fyrirtæki, sem eigendur félaganna fjármagna sjálfir.
,,Þetta er eins og eitthvað dót fyrir þá, þegar fólk fer í einhverja keppni eins og þetta sé leikur. Þá mun það eyðileggja íþróttina.“
,,Það er það sem PSG, Manchester City og fleiri félög eru að gera, eð miklum fjármunum. UEFA á að vinna betur í þessum málum.“
,,PSG og Manchester City hafa skapað þetta umhverfi, félög sem keppa við þá vilja meiri fjármuni til að eiga séns. Ég veit ekki hvaða refsingu City fær, það kæmi mér ekkert á óvart.“
Manchester City gæti missti sæti sitt í Meistaradeild Evrópu en liðið vann alla titla, á Englandi í ár.