Ole Gunnar Solskjær er gríðarlega vinsæll á Old Trafford en hann er í dag stjóri Manchester United.
Solskjær var frábær leikmaður fyrir United á sínum tíma en var fenginn til að taka við liðinu í desember.
Gengið var slæmt undir Jose Mourinho og þurfti félagið að ráða stjóra til að stýra skipinu út tímabilið.
Eftir frábæra byrjun þá fékk Solskjær starfið endanlega en United vann á meðal annars magnaðan 3-1 útisigur á Paris Saint-Germain í Meistaradeildinni.
Síðan þá hefur gengið þó versnað töluvert og er orðrómur um það að Solskjær sé valtur í sessi þrátt fyrir að hafa fengið þriggja ára samning.
Tor Henrik Stensland er landi Solskjær og kemur frá Noregi, hann er einnig aðdáandi United.
Fyrir leikinn fræga gegn PSG í 16-liða úrslitum Meistaradeildarinnar lofaði hann því að hann myndi fá sér húðflúr af Solskjær ef United tækist að komast áfram.
Stensland stóð við stóru orðin og ákvað að fá sér risastórt húðflúr af Solskjær sem er ‘við stýrið’ eins og sagt er.
,,Ég fór alla leið“ skrifaði Stensland á Twitter og birti mynd af útkomunni.
Ole’s at the wheel! Before the away game vs PSG i tweeted that if Man Utd went through I would tattoo Solskjærs face inside a wheel. Well, i’m a man of my words. I went all in. Here’s the result. Enjoy ? pic.twitter.com/c7MaIcyNJG
— Tor Henrik Stensland (@Toricharito) 14 May 2019
Better picture taken by someone who knows what to do. I really didnt want to have this on my body, but my artist did a hell of a job. This will make him look better. pic.twitter.com/z1LTmFeT8K
— Tor Henrik Stensland (@Toricharito) 14 May 2019