Grétar Rafn Steinsson er að spila stórt hlutverk bak við tjöldin hjá Everton, frá þessu segir staðarblaðið í Bítlaborginni.
Grétar Rafn var ráðinn til starfa í desember hjá Everton, hann er yfirnjósnari félagsins í Evrópu. Everton sótti Grétar til Fleetwood Town þar sem hann var yfirmaður knattspyrnumála.
Marcel Brands yfirmaður knattspyrnumála treystir Grétari vel, þeir þekktust fyrir og hafa áhrif Grétars sést á plönum Everton. Ef marka má fréttina.
Sagt er að Grétar eigi stóran þátt í því að velja hvaða leikmenn Everton kaupir í sumar, Brands setur traust sitt á Grétar þegar hann teiknar upp sumarið.
Grétar sér ekki bara um að finna leikmenn í Evrópu, heldur skoðar Everton einnig leikmenn í neðri deildum. Þar er Grétar sérfræðingur eftir dvölina hjá Fleetwood, hann veit hvar ungir og óslípaðir demantar gætu verið.
Grétar er sagður vera lykilmaður í öllum plönum Everton, hann Brands og Martyn Glover sem er yfirnjósnari á Bretlandseyjum ræða málin mikið.