fbpx
Þriðjudagur 18.júní 2019
433Sport

Vaknaði á gjörgæslu en man ekki hvað gerðist: ,,Ég var svo nálægt dauðanum“

Victor Pálsson
Fimmtudaginn 21. mars 2019 11:00

Ekki missa af Helstu tíðindum dagsins í pósthólfið þitt

Lesa nánar

Það er búið að nefna stuðningsmanninn sem varð fyrir hrottalegri árás í Þýskalandi fyrr í mánuðinum.

Paul Worth er stuðningsmaður Manchester City en hann varð fyrir árás er hann ferðaðist með City til Þýskalands fyrir viðureign í Meistaradeild Evrópu.

Stuðningsmenn Schalke réðust á Worth eftir 3-2 sigur City á Schalke í 16-liða úrslitum keppninnar.

Hann hefur nú aðeins opnað sig um atvikið og segist hafa verið mjög nálægt dauðanum áður en hann fékk læknisaðstoð.

,,Ég man ekki nákvæmlega hvað átti sér stað,“ sagði Worth sem verður 33 ára gamall á þessu ári.

,,Ég man bara eftir að hafa vaknað á gjörgæslunni í Þýskalandi og mér var sagt hversu nálægt dauðanum ég var.“

Worth er þó allur að koma til og getur nú labbað upp og niður stigann heima hjá sér og matað sjálfan sig.

Hann varð fyrir alvarlegum höfuðmeiðslum en þrítugur stuðningsmaður Schalke hefur verið handtekinn og er grunaður um að hafa ráðist á Worth.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af