Íslenska U17 landsliðið byrjar milliriðil sinn fyrir EM vel en liðið mætti Slóveníu í fyrsta leik í gær.

Íslensku strákarnir unnu 2-1 sigur á Slóvenum en þeir Davíð Snær Jóhannsson og Jón Gísli Eyland Gíslason gerðu mörkin.

Ísland var með 2-0 forystu þar til á 83. mínútu leiksins er Slóvenía náði að klóra í bakkann.

Úrslitin eru þýðingarmikil fyrir strákana sem mæta Þjóðverjum og Hvíta-Rússlandi í næstu tveimur leikjum.

Guðni Bergsson, formaður KSÍ, var mættur á völlinn í gær til að sjá strákana fagna sigri.

,,Var að sjá U-17 karla vinna Slóvena 2-1 í milliriðli Evrópukeppninnar. Efnilegir strákar þar á ferð. Framtíðin er björt segi ég og skrifa,“ sagði Guðni á Twitter-síðu sinni.

Framtíðin er svo sannarlega björt en við eigum fjölmarga efnilega knattspyrnumenn sem fá tækifæri í efstu deildunum hér heima.

Var að sjá U-17 karla vinna Slóvena 2-1 í milliriðli Evrópukeppninnar. Efnilegir strákar þar á ferð. Framtíðin er björt segi ég og skrifa?#fyririsland #fotboltinet

— Guðni Bergsson (@gudnibergs) March 20, 2019