Lið Al-Arabi í Katar hefur staðfest það að Aron Einar Gunnarsson sé á leið til félagsins. Al Arabi leikur í Katar en þjálfari liðsins er Heimir Hallgrímsson, fyrrum landsliðsþjálfari.
Aron hefur gert tveggja ára samning við Al-Arabi með möguleika á eins árs framlengingu. Hann kemur til félagsins frá Cardiff.
Aron er giftur, Kristbjörg Jónasdóttir er eiginkona hans en saman eiga þau tvo stráka. Yngri drengurinn fæddist síðasta sumar.
,,Þetta gæti hljómað dramatísk, en ég sit hérna með tárin í augunum að skrifa þetta,“ skrifar Kristbjörg þegar hún fer yfir tímann í Cardiff á Instagram í dag.
Aron hefur verið lykilmaður Cardiff lengi en Kristbjörg hefur búið í úthverfi borgarinnar í sex ár.
,,Ég er mjög spennt fyrir breytingu en á sama tíma leið yfir því að fara héðan. Ég hef búið í Cardiff í sex ár núna, báðir strákarnir okkar fæddust hérna, við eigum fallegt heimili hérna, við höfum kynnst fólki sem er í lífi okkar, sem við sjáum á hverjum degi. Ég er leið yfir því að kveðja þau.
,,Síðustu vikur hafa verið nokkuð strembnar, að undirbúa flutninga, setja húsið okkar á sölu og byrja að pakka, ég hef haft nóg að gera. Ég er mjög stollt og spennt fyrir næsta skrefi Arons á ferli hans, ég er þakklát fyrir að vera hluti af því. Þetta verður stór breyting, svo lengi sem fjölskylda okkar er saman, þá tek ég ævintýri með opnum örmum.“
Aron á eftir nokkra leiki með Cardiff og ætlar að hjálpa félaginu.
,,Þetta eru ekki endalok okkar í Cardiff, það eru nokkrir leikir eftir. Ég veit að Aron er einbeittur á að klára þá og hjálpa liðinu að halda sér í ensku úrvalsdeildinni.“
Færslu Kristbjargar má sjá hér að neðan.