Niko Kovac, stjóri Bayern Munchen, er ekki mikill aðdáandi miðjumannsins Rafinha sem spilar með liðinu.
Rafinha hefur aðeins byrjað sex leiki í deildinni á tímabilinu og er sjálfur ekki mikill aðdáandi Kovac.
Hann er á förum eftir tímabilið og segir að vinnubrögð Kovac séu ekki rétt.
,,Ef þú færð ekki mínúturnar þá er erfitt að undirbúa sig fyrir hluti,“ sagði Rafinha.
,,Ég vinn mína vinnu og hef ekki skapað nein vandamál. En auðvitað þá er ég mjög vonsvikinn.“
,,Ég spilaði fyrir alla þjálfara Bayern, Pep Guardiola, Jupp Heynckes og Carlo Ancelotti.“
,,Ég hef sagt það síðan í janúar að ég sé á förum frá félaginu eftir tímabilið. Ég fæ ekkert að spila.“
,,Eins og staðan er þá kemur hann ekki fram við mig á sanngjarnan hátt. Það er erfitt að koma sjálfum mér af stað.“
