Jose Mourinho, fyrrum stjóri Chelsea, hefur opnað sig varðandi Mohamed Salah sem var seldur frá félaginu undir hans stjórn.
Salah leikur með Liverpool í dag og hefur undanfarin tvö tímabil raðað inn mörkum á Anfield.
Hann var keyptur itl Chelsea frá Basel árið 2014 en spilaði aðeins 19 leiki og var svo lánaður til Fiorentina og Roma sem keypti hann svo endanlega árið 2016.
Mourinho skegir að það sé ekki rétt að kenna sér um söluna á Salah en hann var alltaf hrifinn af leikmanninum.
,,Byrjum á Salah því það sem er sagt, mikið af því er ekki satt,“ sagði Mourinho.
,,Fólkið reynir að kenna mér um söluna á Salah. Ég er maðurinn sem keypti hann, það er rangt.“
,,Ég spilaði gegn Basel í Meistaradeildinni og hann var krakki í því liði. Þegar ég spila gegn liðum þá fylgist ég með þeim og þeirra leikmönnum í langan tíma.“
,,Ég varð ástfanginn af þessum strák og ég keypti hann. Ég fékk félagið til að kaupa hann en á þessum tíma vorum við með frábæra sóknarmenn.“
,,Við vorum með Eden Hazard, Willian og við vorum með mikil gæði. Ég sagði þeim að kaupa þennan strák.“
,,Hann var bara krakki sem var týndur í London. Hann var týndur krakki í nýjum heimi. Við vildum gera hann betri og betri. Hann vildi frekar fá að spila en að bíða.“