Ole Gunnar Solskjær þarf á kraftaverki að halda ef hann ætlar að gerast endanlegur stjóri Manchester United.

Þetta skrifar blaðamaðurinn Tom McDermott en Solskjær tók við af Jose Mourinho í desember.

United hefur unnið þrjá leiki í röð undir stjórn Solskjær en það er þó langt frá því að vera nóg til að fá fasta ráðningu í sumar.

,,Ef Solskjær á í raun tækifæri á að gerast stjóri Manchester United endanlega þá þarf hann að gefa okkur skýrari mynd á næstu tveimur mánuðum,“ skrifaði McDermott.

,,Það er ennþá mikil vinna sem þarf að sinna ef hann vill komast ofar á lista en Mauricio Pochettino sem er núm er eitt.“

,,Solskjær framkvæmdi kraftaverk fyrir United er hann spilaði fyrir félagið og þarf á einhverju svipuðu að halda ef hann vill fá starfið endanlega.“