Timothy Weah, efnilegur leikmaður Paris Saint-Germain, var sterklega orðaður við brottför frá félaginu í sumar.

Weah fékk tækifæri með aðalliði PSG á þessu tímabili og nýtti tækifærið með því að skora mark.

Hann verður í algjöru varahlutverki á tímabilinu sem hann telur sjálfur að sé gott að svo stöddu.

Weah tók ákvörðun ásamt fjölskyldu sinni en móðir hans sagði honum að vera um kyrrt.

,,Þetta var ákvörðun fjölskyldunnar. Mamma sagði mér að ég væri enn mjög ungur og viðkvæmur, það er mikið sem þarf að vinna í,” sagði Weah.

,,Hún sagði mér að ef ég myndi semja við verra lið í sömu deild þá væri búist við miklu af mér. Ég tel mig ekki vera tilbúinn í það.”