Sviss 6-0 Ísland
1-0 Steven Zuber (14’)
2-0 Denis Zakaria (25’)
3-0 Xherdan Shaqiri (53’)
4-0 Haris Seferovic (66’)
5-0 Albian Ajeti (70’)
6-0 Admir Mehmedi (83’)
Íslenska karlalandsliðið varð sér til skammar í Þjóðadeildinni í dag er liðið mætti Sviss í fyrsta leik.
Um var að ræða fyrsta leik Erik Hamren sem landsliðsþjálfari og er óhætt að segja að ekkert hafi gengið upp.
Sviss var mun sterkari aðilinn í fyrri hálfleik og leiddi sanngjarnt, 2-0 en Ísland bauð upp á mjög takmarkað í sóknarleiknum.
Hlutirnir versnuðu svo sannarlega fyrir Ísland í síðari hálfleik er þeir svissnensku bættu við fjórum mörkum.
Ísland gerði ekkert fram á við og skapaði nánast engin færi. Sigur Sviss var verðskuldaður.
Það er ljóst að erfiðir tímar eru framundan fyrir Hamren en Ísland mætir Belgíu í næsta leik í Þjóðadeildinni.