Ólafur Jóhannesson, þjálfari Vals, var tolleraður í miðju viðtali við 433.is í dag eftir sigur á Keflavík.
Það er ástæða til að fagna á Hlíðarenda en Valur er Íslandsmeistari eftir 4-1 sigur í dag, annað árið í röð.
,,Í fyrra vorum við búnir að vinna mótið frekar og þetta var aðeins öðruvísi. Aðallega öðruvísi stemning í okkur í síðustu fjórum, fimm umferðunum,“ sagði Óli Jó.
,,Við vorum alltaf með forystu og alltaf með þetta í okkar höndum í síðustu fjórum eða fimm umferðunum.“
,,Þetta er frábær leikmannahópur og geggjaðir drengir, við erum með góða leikmenn í öllum stöðum og þá meina ég öllum stöðum, fyrstu 11, varamenn og þeir sem eru fyrir utan hópinn.“
,,Ég hugsa það, það bendir margt til þess, ég held það!“ sagði Óli svo spurður út í það hvort hann yrði áfram með Val.
Nánar er rætt við Óla hér fyrir neðan.