Heimir Hallgrímsson, fyrrum landsliðsþjálfari íslenska landsliðsins er í deilum við Knattspyrnusamband Íslands. Vísir.is segir frá.

Heimir telur sig eiga rétt á bónusgreiðslum vegna árangurs sem hann náði með liðið.

,,Þetta herma heimildir Vísis en fjárhæðin nemur milljónum króna. Heimir og forsvarsmenn KSÍ greinir á um hvernig eigi að túlka samning þjálfarans við sambandið hvað varðar árangurstengdar greiðslur,“ segir í frétt Vísis.

Heimir og starfsmenn KSÍ eru ekki á sama máli um hvernig eigi að túlka samning hans við KSÍ, þegar kemur að greiðslum vegna árangurs liðsins.

Heimir hætti með liðið eftir Heimsmeistaramótið í Rússlandi og bíður nú eftir nýju starfi, sem verður úti í hinum stóra heimi.

„Það er í rauninni ekkert að tjá sig um,“ sagði Guðni Bergsson formaður KSÍ við Vísi um stöðu mála.

Einnig er sagt í fréttinni hjá Vísi að Helgi Kolviðsson, sem var aðstoðarþjálfari Heimis standi í deilum. Hann telji sig eiga inni peninga vegna bónusgreiðslna.