Það hefur ekki farið framhjá neinum að Luka Modric var í kvöld valinn leikmaður ársins af FIFA.
Modric var magnaður með bæði Króatíu og Real Madrid á árinu og fékk lang flest atkvæði hjá landsliðsfyrirliðum og landsliðsþjálfurum.
Aron Einar Gunnarsson, landsliðsfyrirliði Íslands, kaus Modric sem besta leikmanninn.
Aron setti Modric í fyrsta sæti, Cristiano Ronaldo, leikmann Juventus og Portúgal í annað og Raphael Varane, varnarmann Real og Frakklands í þriðja.
Heimir Hallgrímsson var landsliðsþjálfari Íslands er kosningin fór fram og var Mohamed Salah í efsta sæti hjá honum en hann leikur með Liverpool og Egyptalandi.
Modric var í öðru sætinu hjá Heimi og Kevin de Bruyne, miðjumaður Manchester City og Belgíu í þriðja.
Bestu leikmenn ársins að mati Arons:
1. Luka Modric
2. Cristiano Ronaldo
3. Raphael Varane
Bestu leikmenn ársins að mati Heimis:
1. Mohamed Salah
2. Luka Modric
3. Kevin de Bruyne