Emre Can miðjumaður Juventus er nú mikið gagnrýndur, hann er sagður hafa gert lítið úr konum. Hann tjáði sig eftir 0-2 sigur liðsins á Valencia i gær.

Cristiano Ronaldo var rekinn af velli í leiknum fyrir að toga í hár á andstæðingi sínum.

Can gekk í raðir Juventus í sumar frá Liverpool en hann er einnig í þýska landsliðinu.

,,Er þetta rautt spjald,“ sagði Can eftir leikinn á Spáni.

,,Ég heyrði hann segja að þetta væri af því að hann togaði í hárið á leikmanni. Við erum ekki konur, við erum að spila fótbolta,“ sagði Can en þessi ummæli hans hafa vakið furðu.

,,Ef þetta er rautt spjald, þá eru öll leikbrot þannig. 100 prósent, þetta er ekki rautt.“