Þorsteinn Halldórsson, þjálfari Breiðabliks, gat brosað í kvöld eftir sigur liðsins á Selfoss, 3-1. Blikar fagna sigri í Pepsi-deild kvenna með sigrinum.
,,Það er stórkostlegt að vera búinn að vinna mótið áður en það er búið, það er frábært afrek. Við sýndum það að við erum besta lið Íslands í dag,“ sagði Þorsteinn.
,,Ég róaði þær niður í hálfleik og við fórum yfir það sem við ætluðum að gera. Við ætluðum að vera aggressívari í pressu og pressa þær hærra. Þær vilja spila fótbolta og eru ekki endilega að kýla fram.“
,,Fyrsta korterið í leiknum hélt ég að við værum að fara að skora fljótlega en svo fáum við högg í andlitið og það kom smá bakslag. Um leið og við jöfnuðum þá sá maður að þær stækkuðu aftur og urðu eðlilegar.“
,,Við erum bara best. Góð liðsheild. Ef maður skoða mótið í sumar þá er maður ekki endilega að taka einn leikmann út sem var yfirburðar. Bæði sóknarlega og varnarlega, liðið hefur spilað flott á vellinum.“
Þorsteinn var svo spurður út í það hvort hann hefði áhuga á að taka við íslenska kvennalandsliðinu en starfið er laust.
,,Þetta er flókin spurning. Ég er samningsbundinn Breiðablik og mér líður ógeðslega vel hérna. Ég hef í sjálfu sér engin áform um það að breyta.“
,,Auðvitað veit ég það sjálfur að ég er bestur í starfið en það er eitthvað sem kemur í ljós.“
