Stjarnan 0-0 Breiðablik (Stjarnan meistari eftir vítakeppni, 4-1)
Það fór fram stórleikur á Laugardalsvelli í kvöld er Breiðablik og Stjarnan áttust við í Mjólkurbikarnum.
Um var að ræða úrslitaleikinn sjálfan og var ekkert gefið eftir á vellinum í dag og var baráttan svo sannarlega til staðar.
Liðin skiptust á að sækja í venjulegum leiktíma en því miður fyrir áhorfendur vantaði mörkin.
Markverðir liðanna, Gunnleifur Vignir Gunnleifsson og Haraldur Björnsson áttu báðir mjög góða leiki.
Eftir markalaust jafntefli þurftu liðin að fara í framlengingu þar sem hvorugu liðinu tókst að skora. Markalausar 120 mínútur.
Að lokum varð það vítakeppni sem réði úrslitum og voru það Stjörnumenn sem höfðu betur 4-1 en Blikar nýttu sínar spyrnur afar illa.
Stjarnan er því bikarmeistari árið 2018 og er að fagna sigri í keppninni í fyrsta sinn.