Rúrik Gíslason, landsliðsmaður í knattspyrnu er á forsíðu Glamour þessa vikuna og er í ítarlegu viðtali við blaðið.
Rúrik er líklega frægasti íþróttamaður Íslands í dag en hann vakti gríðarlega athygli á Heimsmeistarmótinu í sumar.
Þar fékk hann yfir milljón fylgjendur og stærstur hluti af því voru konur í Suður-Ameríku.
Mikið af sögum hafa heyrst um þennan góðhjartaða dreng en þær fara í taugarnar á honum.
,,Það truflar mig meira þegar ég heyri sögur um mig sem eru ekki sannar og það er nóg af því,“ segir Rúrik við Glamour.
,,Fólk heldur að það þekki mig því það heyrði einhverja sögu um mig, sem er svo bara eitthvert kjaftæði. Eða þegar einhver er að þykjast vera ég. Það truflaði mig mjög mikið.“